Иван Никитич Корякин – Уйбаан Бөтүүнүскэй Амма улууһун уонна Бөтүҥ нэһилиэгин Бочуоттаах олохтооҕун, РФ суруналыыстарын уонна СӨ суруйааччылар сойуустарын чилиэнин, Саха сирин суруналыыстарын сойууһун «Кыһыл көмүс бөрүө» лауреатын, СӨ Бочуоттаах бэтэрээнин, «СӨ Тыа хаһаайыстыбатын туйгуна», «СӨ Бэчээтин туйгуна», «Сэбиэскэй эргиэн туйгуна», СӨ «Ытык Аҕа» бэлиэ хаһаайынын 85 сааскын туолбуккунан итиитик – истиҥник э5эрдэлиибит!

                                                                 Убаастабыллаах Иван Никитич!

    Амматааҕы В.И.Жожиков аатынан оҕо библиотекатын коллектива 85 саастаах үбүлүөйгүнэн итии – истиҥ эҕэрдэ тиэрдэбит! Баҕарабыт ыстаал курдук кытаанах доруобуйаны, оҕолорун сылаас тапталын, сиэннэрин минньигэс мичээрдэрин сүрэххэр сөҥөрдөн санаан сандаардын, үйэҥ уһаатын! Айымньыларгын оҕо – аймах наһаа биһириир, ситиһиилэргин олус кэрэхсиибит! Аламаҕай майгыгын олус хайгыыбыт, элэккэй бэйэҕин олох сэргиибит! Дьоһуннаах олоххун уруйдуубут, алгыстаах аартыккын айхаллыыбыт!